الي مدونتي الاخري المتخصصة

http://almasry1wk.jeeran.com

عـن الحــب وكــده.!!

كتبهاوائل المصري ، في 21 أغسطس 2007 الساعة: 15:15 م

 

عـن الحــب وكــده
_____________

هل أنت متردد في اختيار شريك حياتك ومش عارف هو مناسب ولاّ لأ؟؟؟

هل مشاكلك زادت مع زوجتك وبتحاول تصلح العلاقة؟؟

هل حاسس إن فيه شروخ في علاقتك مع حبيبك؟؟

هل بتحس ساعات إنه مش فاهمك وإنت مش فاهمة؟؟

""""""""""

الحب

هو أقوى عاطفة إنسانية على الإطلاق.. مافيش حد يقدر ينكر طبعا

بيقولوا إن الحب أعمى وإن الواحد مش ممكن يفكر لما بيحب.. والاعتماد بيكون على القسمة والنصيب..
 وبيقولوا إنك لو حبيت حد مش مناسب فلازم تضحي عشانه مهما كان حجم التضحية،  لأن كلما زادت التضحية كان ده دليل أقوى على الحب

..نسأل هنا >

هل الكلام ده صح؟؟

الإجابة هي: طبعا لأ

الكلام ده مش صح..

فيه قواعد حطها الباحثين وخبراء العلاقات الإنسانية عشان تنجح أي علاقة..
 لكن للأسف احنا ماعندناش أي فكرة عنها

**********

الدنيا ربيع والجو بديع

نقول حكمة

>فيه حكمة أمريكية شهيرة بتقول: مافيش أي شيء مؤكد في حياتنا غير: الموت والضرايب
وأضاف د." فيل":………. … والإحباط
 من كتاب

(Relationships Rescue)

 

الإحباط فعلا شيء مؤكد في حياتنا كلها ولازم نتعامل معاه
هتحبط في العمل مثلا.. في الدراسة.. في البيت.. في الشارع
وأكيد أكيد.. هتلاقي إحباط.. في الحب.

لما بنحب بنلاقي كل حاجة حلوة.. الدنيا ربيع والجو بديع والعصافير بتصوصو حواليك ومافيش أي مشاكل في الحياة.. كله رائع وجميل..

 لكن هل الحالة دي بتستمر؟؟

طيب.. عشان نعرف إيه هو الموضوع لازم نتكلم عن

مراحل الحب

""""""""

 

المرحلة الأولى: مرحلة الانبهار

في المرحلة دي بتكون العلاقة لسه في أولها.. لسه عارفين بعض والكيوبيد لسه رامي سهمه في قلوبهم

تتميز المرحلة دي بالتالي: بتشوف الشخص اللي بتحبه على إنه (كامل) ومافيهوش أي نقص.. ظريف ودمه خفيف وبتبقى سعيد وإنت معاه وكده يعني.. باختصار: بتحس إنه كامل

والمرحلة دي هي اللي أنتجت كل قصائد الحب والأغاني في التاريخ الإنساني.. لأنها -زي ما احنا عارفين كلنا- أروع ما في العلاقات الإنسانية.

شيء مهم جدا: احذر الارتباط في المرحلة دي

 

""""""""""""""""""""""""""

المرحلة التانية: الاكتشاف

هي مرحلة إنكم تعرفوا بعض أكتر
بمرور الوقت هتكتشف إن الشخص اللي بتحبه مش كامل زي ما كنت فاكر..
هتكتشف فيه عيوب وحاجات ماكنتش تعرفها..
 بل وحاجات بتضايقك كمان

وسؤال اخر

>هل ده طبيعي؟

الاجابة: طبيعي تماما.. ولما تلاقي ده بيحصل اعرف إنك ماشي صح.

في المرحلة دي بتختفي الصورة المزيفة الي كنت شايفها في مرحلة الانبهار..

هتشوف الشخص ده على طبيعته وفي الوقت ده تقدر تقرر

**********

كيف نتعامل مع هذه الاختلافات؟؟

فيه جملة مشهورة جدا بيقولها المحبين في المرحلة دي: احنا عشان بنحب بعض.. هنتغير احنا الاتنين

هل ده صح؟

الإجابة: الباحثين بيقولوا: غلط طبعا

لنجاح أي علاقة، لازم تحترم اختلاف الآخر وماتحاولش تغيره مطلقا
باكرر: ماتحاولش تغير شريك حياتك..
 حاول تتعايش مع الاختلاف وتوضح له اللي بيضايقك..
 بس

في المرحلة دي تأكد من إنك عرفت الاختلافات اللي في الشخص ده كويس..

 واسأل نفسك: هل لسه باحبه رغم الاختلافات دي؟
هل هاقدر أتعايش مع الاختلافات دي؟؟
هل هيحصل صدام بسبب الاختلافات دي؟؟
هل الصفة دي جزء من هويته وتكوينه؟

طبعا فيه تضحيات في الحب.. لكن ما حدود التضحية؟؟

**********

The identity

كل واحد فينا عنده هويّة شخصية..
هي اللي بتحسسه بالثقة والإحساس بذاته..
 ومن غيرها يفقد تقديره لذاته

إنت بتنظر لنفسك ازاي؟؟

إنت مين؟

إيه صفاتك؟

كل واحد فينا عنده ثوابته ومبادئه أيا كانت… دينية، اجتماعية، ثقافية
حاجات ماينفعش تتغير فيه

 

واحد ملتزم (هويته): القرب من الله هو طريق السعادة

واحد متحرر (هويته): لا زم أنبسط قدر الإمكان.. باكره الزعل

واحد مصلح (هويته): هدفي أصلح البلد

وكده يعني

كل واحد له هويته اللي بتحدد نمط حياته

زي ما قلنا: الاختلاف طبيعي بين أي اتنين بينهم علاقة.. بس أهم حاجة: الهوية دي ماتكونش متضاربة

يعني ضحي بأي حاجة إلا هويتك.. لو حد منكم ضحى بهويته هيتعب ومش هيقدر يكمل

نذكر مثال

>مثال لهويات متضاربة

:

واحد متشدد - راقصة باليه

مصري مخلص - إسرائيلية بتكره مصر

واحد عايز يصلح المجتمع - واحدة عايزة تعيش حياتها

فهمتم قصدي إيه؟

أي خلافات تانية ممكن تتحل

يعني مثلا

:

واحد بيحب الكورة - هي بتحب الموسيقى
هو بيحب القراءة قبل النوم - هي بتحب الفرجة على التليفزيون
هو بيحب المحشي - هي بتحب الريجيم

دي حاجات مش في صميم الهوية الشخصية للواحد منهم..

 كلها حاجات ممكن يوجد لها حل وسط

لكن ماتحاولش أبدا تغير الشخص التاني زي ما قلنا..
ماتجبرهاش تحب الكورة مثلا..

ماتجبريهوش يبطل قراءة ويتفرج على التليفزيون

أي حلول وسط زي: إنتي تتفرجي على التليفزيون وهو قاعد جنبك يقرا!! بس كده

**********
نقول حكمة

 

>نجاح العلاقة بيعتمد على إن: كل واحد يقبل التاني زي ما هو من غير ما يسعى لتغييره.. وهو ده اللي بيسموه

 the unconditional love

أو الحب غيرالمشروط

أي خلاف بينك وبين حبيبك لو كان فيه أي حاجة أيا كانت ممكن تتعايش معاه..
إلا لو اختلاف في الهوية

**********
حافظ على هويّتك وماتضحيش بيها واسأل نفسك: لو ماغيرتش هويتي أو هي غيرت هويتها.. هل هتستمر العلاقة؟؟

لو إجابتك هي: نعم

يبقى ألف مبروك مقدما
وابقوا اعزمونا على الفرح

**********

بقلـم: د.شــريف عـرفة

مع تحياتي
وائل المصري

أضف الى مفضلتك

• 
• 
• 
• 
• 
• 
• 
• 
• 
• 
• 

ـــــــــــــــــــــــــــــــــــــــــــــــــــــــــ
التصنيفات : رومانسية | السمات:رومانسية
أرسل الإدراج  |   دوّن الإدراج  

1. AHMED HABEEB**الــحــــــ كــلــــه ــــــب** قال:
   أغسطس 24th, 2007 at 24 أغسطس 2007 11:41 م

   انا مكملتش الموضوع لانى لو كملته هكره اى حاجه عن الحب
   
   كما قال احدهم
   
   الحب حلو اه حلو اوي
   
   واعلم انه حتى فى الحب كما تدين تدان
   
   احمد حبيب

2. وائل المصري قال:
   أغسطس 25th, 2007 at 25 أغسطس 2007 1:43 م

   لماذا لم تكمل الموضوع انة يوضح الاسس السليمة لبناء علاقة ناجحة .. وقسمها الي عدة مراحل

   ويبين فيها اي مرحلة تقرر فيها انك ترتبط بالحبيب الي الابد .
   وفعلا كما تدين تدان تلك قاعدة في كل الامور ..
   وانا اتفق معك ان الحب حلو رغم اني لم اجد شريك العمر حتي الان ..
   ولكن شقي لبلدي يبين لي صورة الحب .. رغم ما يوجد من الاختلاف بين حب الوطن وحب أمرأة

   وتقبل تحياتي

3. sama قال:
   سبتمبر 2nd, 2007 at 2 سبتمبر 2007 1:14 م

   مقالة اكثر من رائعة ..
   
   ولو اعطيتنا رابط لنقرأ المزيد لكنا لك شاكرين ..
   
   بحق .. كلمات مدروسة جيدا وبلغة سهلة وقريبه للقلب
   
   وموضوع شيق جدا

4. وائل المصري قال:
   سبتمبر 2nd, 2007 at 2 سبتمبر 2007 2:30 م

   شكرا لتصفحكى لمدونتي …

   وهذا كل ما وجدة في المقال ..
   واذا وجدت المزيد باذن الله سوف اضعة .

   مع تحياتي ..

5. soma ashanti قال:
   أكتوبر 23rd, 2007 at 23 أكتوبر 2007 7:05 م

   جميل احساسك سيدي ..

   حروفك تبحر عبر بحار من جمال ونغم

   دمت بكل خير

6. electron قال:
   أكتوبر 24th, 2007 at 24 أكتوبر 2007 3:53 ص

   أنا من وجهة نظري الشخصية ما من أب شرعي للحب في عالم الذكورة و الأنوثة إلا الجنس، النعمة التي نحمد الله عليها..
   
   و لولا الحب لما حاد مصير الإنسانية عن مصير الديناصورات..
   
   ثم أن الحب ليس صنبور ماء نفتحه متى نشاء بل هو مشاعر تغذيها .. تفجرها .. توجدها عواطف متبادلة بين مخلوقين يجذبهما إلى بعضهما البعض ذلك الأمر المبهم الذي لا يمكن إنكار وجوده مهما حاولنا …

7. بلال علي قال:
   أكتوبر 24th, 2007 at 24 أكتوبر 2007 6:17 ص

   افضل ما قرأة في موضوع الاختلاف في الشخصية من شخص الى اخر وكل شخص مكمل للاخر
   
   سؤال زوج زوجته قبل الدخول من اليوم وصاعد سترتدين ملابسي وارتدي ملابسك
   
   استغربت الزوجة كلامه
   
   فقال لها لكل منا خصوصيا يلزم ان يحافظ عليها لانها شخصيته

   مشكور اخي وائل على النقل واذا لديك ابحاث عن موضوع اختيار الزوجه الصالحة ارجوا منك مراسلتي
   
   سعيد بمرورك على مدونتي
   

8. وائل المصري قال:
   أكتوبر 24th, 2007 at 24 أكتوبر 2007 3:10 م

   soma ashanti

   شكرا لكي علي الكلامات الجميلة واتمني دوام التواصل
   وتحياتي

9. وائل المصري قال:
   أكتوبر 24th, 2007 at 24 أكتوبر 2007 3:14 م

   electron
   شكر ا لك علي مرورك ومشاركتك ورائيك

   ولكن الدينوصورات لم تنقرض بسبب عدم النسل انقراضها كان لاسباب اخري

   واذا حصرنا المعاني الرقيقة والحب في الامور الجنسية فقط لن يكون هناك فرق بين الانسان والحيوان ………….

   وتحياتي

10. وائل المصري قال:
    أكتوبر 24th, 2007 at 24 أكتوبر 2007 3:16 م

    بلال علي

    سلاماتي لك وباذن الله اقوم بمراسلتك قريبا لمعرفة المزيد عن كيفية اختيار الزوجة الصالحة

    وتحياتي

11. lakhdar zenzoula قال:
    أكتوبر 31st, 2007 at 31 أكتوبر 2007 1:04 ص

    كتب lakhdar zenzoula …
    
    لا و الف لالالالالالا لن اكون كما احب بل سوف أكون كما تحب مني لك كل الود و الاحترام حبي لك

12. إيهاب الحمامصى قال:
    أكتوبر 31st, 2007 at 31 أكتوبر 2007 3:03 م

    لو كانت الحكمة الأمريكية القائلة ” لا يوجد أى شئ مؤكد فى حياتنا غير الموت والضرائب ” صحيحة .. لكنت من الغاضبين
    
    اذ كيف يقرن الموت بالحياة بهذه الصورة المنفرة؟
    
    فالضرائب انما تحصل لبناء سبل العيش وتيسير شئون الحياة للناس
    
    عموما أشكر لك يا أخى وائل زيارتك الكريمة لمدونتى وأرجو تكراراها
    
    أخوك إيهاب الحمامصى
    
    مأمور ضرائب دمنهور

13. مفتاح الكاديكي قال:
    أكتوبر 31st, 2007 at 31 أكتوبر 2007 6:25 م

    الأستاذ وائل المصري..
    
    الله عليك مبدع متألف كعادتك..
    
    ونأمل نقل تحياتى إلى د.شــريف عـرفة..
    
    دمت بخير أخى الكريم…
    

14. وائل المصري قال:
    أكتوبر 31st, 2007 at 31 أكتوبر 2007 7:34 م

    lakhdar zenzoula

    تحياتي لك علي زيارتك مدونتي ..

    واتمني دوام الزيارة والمشاركة

    وسلاماتي

15. وائل المصري قال:
    أكتوبر 31st, 2007 at 31 أكتوبر 2007 7:37 م

    إيهاب الحمامصى

    تحياتي الغالية لك
    
    الضرائب في امريكا شيء اساسي وكل مواطن امريكي يعرف ماذا يدفع واين تذهب اموالة ولازم يدفع عشان تتحسن ظروفة وظروف بلدة

    وهذا علي العكس عندنا الكثير من يتهرب من دفع الضرائب والكثير من يدمر ممتلكات الدولة ويقول ماهي اموال حكومة . لانة لا يعرف ان تلك الاموال اصر اموال ضرائب هو مساهم فيها … اذا كان بيدفع ضرائب

    وسلاماتي لك

16. وائل المصري قال:
    أكتوبر 31st, 2007 at 31 أكتوبر 2007 7:39 م

    ……… مفتاح الكاديكي

    ……… تحياتي الطيبة لك علي تلك المجاملة الطيبة منك

    ……………………واتمني دوام الزيارة والمشاركة

    ……….وتحياتي

    …………….

17. د محمد عباس قال:
    أكتوبر 31st, 2007 at 31 أكتوبر 2007 7:42 م

    مقال بارع يا وائل

    بس عايز التطبيق

    ايه رأيك اجرب الحب مرة تانيه
    ؟؟؟؟؟؟؟؟؟؟؟؟

    الذى فهمته من الموضوع
    هو حرية الاختلاف
    وقبول الاخر كما هو
    ومحاولة التكيف

    يعنى مثلا انا مراتى بتكره النت ده موت
    ونفسها تكسر الكومبيوتر
    ايه رايك؟

18. dijla قال:
    أكتوبر 31st, 2007 at 31 أكتوبر 2007 8:44 م

    اخي وائل
    
    اسعدني مرورك العذب على مدونتي
    
    واسعدني مروري على مدونتك الثرية العامرة الزاخره بعبق الكلمات
    
    سلم قلمك ورايك
    
    اختك دجلة

19. وائل المصري قال:
    نوفمبر 1st, 2007 at 1 نوفمبر 2007 12:23 م

    د محمد عباس

    ما فهمتة من الموضوع صحيح
    وبالنسبة للسيدة زوجتك .. الامر بسيط

    خلي الكمبيوتر في غرفة المكتب الخاصة بك يعني بعيد عنها …

    وبالنسبة لتجريب الحب مرة اخري انت اعد اكتشاف زوجتك من جديد سوف تحبها اكثر .

    هو نوع الحب بيختلف قبل الزواج من بعد الزواج لان الحب بعد الزواج يصبح اكبر واعمق

    وتحياتي الغالية لك

20. وائل المصري قال:
    نوفمبر 1st, 2007 at 1 نوفمبر 2007 12:24 م

    ORSADAF SADAF

    تحياتي لكي اخت دجلة واتمني دوام الزيارة والمشاركة بمدونتي

    وسلاماتي

    …………..

21. مها قال:
    نوفمبر 1st, 2007 at 1 نوفمبر 2007 6:55 م

    الدنيا ربيع ،، والجو بديع ،، فليه نتكلم عن الخلاف
    
    
    ربنا مايجيب زعل

22. مدمنة الاحزان قال:
    نوفمبر 1st, 2007 at 1 نوفمبر 2007 8:29 م

    الحب كتيييييييييييير حلو لانو صعب نحصل عليه

    صعب تحصل على قلب يحبك باخلاص

    اتمنى ان تدخل مدونتي

    توته
    

23. يحى زكريا قال:
    نوفمبر 2nd, 2007 at 2 نوفمبر 2007 12:29 ص

    مقال جميل جدا
    
    وفى غاية الاهميه
    
    لكن كنت اتمنى ان تتفضل بشرح سبب التاكيد على عدم محاولة تغيير الشرك وما هى اضرار ذلك
    
    ولماذا كل هذا التحذير
    
    فكما تربينا نعلم ان الفتاه تكون عجينه فى يد زوجها يشكلها كما شاء
    
    لو عندك الاجابه رجاء اخبرنى
    
    وردا على موضوع السفاح

    الاخ المحامى المحترم وائل المصرى
    
    لو تعلم اخى الحبيب ان هناك اكثر من 400 قضيه منسوبه لسفاح المعادى
    
    واظنك تابعت قضية التوربينى الاخيره والذى اثبت الطب النفسى انه مريض عقلى من المقام الاول ومع هذا لفقت له قضايا يعجز عنها اعقل العقلاء من حيث التخطيط والتكتيك
    
    هى قضايا قديمه متراكمه تقوم الدوله الرشيده بتلفيقها لشخص واحد وتصويره اعلاميا انه السفاح الاخطر والافظع فى تاريخ مصر ترتعب الناس وتنسج الحكايات وكل من لديها عله تنسبها الى السفاح وهذا ما اثبتته الدراسات والابحاث
    
    فاين سفاح المعادى هل انشقت الارض وابتلعته فرقعه انتهت كما بدات
    
    واين سفاح كرموز واين التوربينى
    
    والحكاوى موسم محترم للصحافه الفاسده لتهلل وتطبل وتخترع القصص والمسرحيات وانا قلت فى ادراجى لولا انى لمست الواقع بيدى لاستبعدت ما انا فيه الان من قناعات
    
    وياليت ياحبيبى وائل كنا على علاقه وقتها كنت انت اول من استنجد به واخشى ان تهرب انت بجلدك من قضيه كهذه او تصدق انى السفاح حقا
    
    نسال اله ان يديم الحب والود
    
    وان يطهر مصر من شرطتها الفاسده كل شاهد زور وكل معتدى على كرامة مواطن
    
    وكل مدعى على الناس بالباطل
    
    وان يعجل لنا بالفجر

24. وائل المصري قال:
    نوفمبر 2nd, 2007 at 2 نوفمبر 2007 11:26 ص

    مها

    تحياتي لكي علي المرور والمشاركة

    واتمني دوام الزيارة

25. وائل المصري قال:
    نوفمبر 2nd, 2007 at 2 نوفمبر 2007 11:46 ص

    tota-m

    الحب جميل لية نخبية
    عندما يجد الشخص احد يحبة بجد يكون غلطان اذا تركة يذهب

    وقريبا اكون في مدونتكي
    وتحياتي

26. وائل المصري قال:
    نوفمبر 2nd, 2007 at 2 نوفمبر 2007 11:57 ص

    حبيبي يحيي

    بالنسبة لحكاية عدم محاولة تغير الشريك لشخصيتة ………

    …انا عن نفسي افضل ذلك لسبب اولا عندما يكون الزوجين مختلفين في امور مثل

    واحد بيحب الكورة - هي بتحب الموسيقى
    هو بيحب القراءة قبل النوم - هي بتحب الفرجة على التليفزيون

    زي كدة يكون كويس ويصبح الزوجين مكملين لبعضهما من وجهة نظري لان اذا كانت زوجتك هي انت هتشعر بممل وان لا يوجد جديد او اختلاف في حياتك ولكن اذا كان فية اختلاف زي ما ذكرت اعتقد لا يسبب للزوج اي مشكلة لان اذا جلت زوجتك تفكر زيك يعني هي انت ..
    اوكد لك اذا واجهتكم مشكلة لن يكون فيها الي راي واحد والري الواحد لن يحلها فاذا كان يوجد راين ممكن تختار بينهم صح ولا اية …………..

    ……. والاختلاف يكون اختلاف في الهويات والميول ولكن لا يجتمع مثلا
    …………….. واحد متشدد - مع راقصة باليه

    دي مرفوض ولن تستمر الحياة هنا ……..

    ………

    وحكاية ان الفتاة تكون عجينة في يد زوجها ليس فيما اقصدة بالطبع لازم علي الفتاة ان تعرف ماذا يريد زوجها ومتي تتحدث معة ولما يكون غضبان لا تتكلم معة وكيفية التحدث والكلمات التي تستخدم كل ذلك يجل الزوجة تاخذ من زوجها ما تريد …

    …….. ودي الزوجة الذكية صاحبة الشخصية المستقلة … واللي في الغالب بتكون معة طيلة العمر ….
    ………. اما الزوجة اللي زي زوجها وزوجها عصبي وهي عصبية

    اوكد لك ان الحياة بينهما لا تستمر ……………

    …………………………………………..
    وسلاماتي

27. د . صادق الرخ قال:
    نوفمبر 2nd, 2007 at 2 نوفمبر 2007 5:44 م

    كلام جميل يا وائل

    بس تعرف انك حسستنى بنقصى

    وان كل الدنيا فيها اتنين بيحبو بعض حتى لو اختلفت هويتهم

    طب اية ظروف واحد لا بيحب ولا بيتحب اساسا ؟

    ربنا يخليك يا وائل حاول تراعى ظروف الناس دى بما انى واحد منهم

    ربنا معاك يا جميل

28. a_elhabri قال:
    نوفمبر 3rd, 2007 at 3 نوفمبر 2007 9:08 ص

    السلام عليكم ورحمة الله وبركاته

    وبعد ، إليك تحية صادقة يأخ وائل ، أشكرك على تلبيتك للدعوة ، ومشاركتك ومناقشتك وإبداء الرأي في الموضوع ، وإسهاماتك القيمة في مواضيع متعددة ، منها الحب ، ومن الحب ما قتل ،
    قيل حبك للشيء يعمي ويصم . وقيل أيضا : ا احبب حبيبك هونــــــــــا عسى أن يكون بغيضك
    وابغض بغيضك هونـــــــا عسى أن يكون حبيبك
    دوام الحال من المحال ، إذن خير الأمور أوسطها لا تبلغ في الحب حتى لاتمرض ، ولا تبالغ في الكره حتى لا يسود في وجهك الحبيب فتنقلب من الخاسرين . إلا محبة الله ومحبة رسوله صلى الله عليه وسلم فكن فيها من الغالين ، فتكون يوم القيامة مع من أحببت .ـ لا حرم الله من ذلك ـ
    ولك دعوة مفتوحة لزيارة مدونتي وكل ما هو جديد فيها ، وترك بصماتك الهادفة .
    ودمت مخلصا ووفيا .

29. @شاعرالأحزان احمد هيكل@ قال:
    نوفمبر 3rd, 2007 at 3 نوفمبر 2007 10:20 ص

    اشكرك اخي وائل
    
    مو ضو ع جميل
    
    وتو ضح
    
    را ئع
    
    بارك اله فيك
    
    تحيا تي لي ابدعك وتميزك
    
    اخر ادرجتي
    
    ((((((((((((((((((اين حــــــــــروفي )))))))))))))))
    

30. abdelkarim ksakes قال:
    نوفمبر 3rd, 2007 at 3 نوفمبر 2007 1:41 م

    جميل ما كتبت..كلماتك معبرة وموضوعك شيق….
    
    تحياتي لك
    
    عبدالكريم اكساكس
    

31. غريب الدار قال:
    نوفمبر 3rd, 2007 at 3 نوفمبر 2007 2:00 م

    الحب جميل

    بصمة حضور
    
    رائعه تستحق التقدير

    شكرالك ولمرورك العذب

    انا غريب

32. بنت النيل قال:
    نوفمبر 3rd, 2007 at 3 نوفمبر 2007 3:20 م

    وائل المصرى

    فكرتك حلوه قوى بس يا ريت تقولى على هوايه اشغل بيها نفسى

    لانى مش عارفه اعمل حاجه خالص ومش لاقيه حاجه تشغلنى

    مع تحياتى
    

33. Alsolimany قال:
    نوفمبر 3rd, 2007 at 3 نوفمبر 2007 5:20 م

    شكرا يا وائل على موضوعك الهام الذى يشغل بال كل شاب هذه الايام ..

    تقبل تحياتي

34. وائل المصري قال:
    نوفمبر 3rd, 2007 at 3 نوفمبر 2007 5:53 م

    د . صادق الرخ

    لا اعتقد انا لا احد يحب انا قصدي الحب بصفة عامة ..
    حب الله ورسولة وحب الوطن هذا اهم عندي من الحب الشخصي او العادي الي بين الشاب والفتاة …….يتقدم عليهم …
    …
    الحب سيأتي اليك وياتي الي الجميع لانة بلا ميعاد ياتي فجأة وساعتها ستكون انسان تاني
    مختلف …
    ……………..وتحياتي

35. وائل المصري قال:
    نوفمبر 3rd, 2007 at 3 نوفمبر 2007 5:56 م

    a_elhabri
    شكرا لك علي مرورك ومشاركتك في مدونتي وباذن الله اكون في مدونتك ..

    واتمني دوام التواصل
    وسلاماتي ……………

36. وائل المصري قال:
    نوفمبر 3rd, 2007 at 3 نوفمبر 2007 5:59 م

    شاعرالأحزان احمد هيكل
    تحياتي القلبية لك ودائما يستمر التواصل وهتجدني ابحث معك واتناقش في اخر موضوعاتك
    وسلاماتي………………………………..

37. وائل المصري قال:
    نوفمبر 3rd, 2007 at 3 نوفمبر 2007 6:00 م

    عبدالكريم اكساكس
    ………وتحياتي لك ..ياريت يستمر التواصل ……
    …………..لتعم الاستفادة المتبادلة ………..وهذا الهدف
    ………وتحياتي

38. وائل المصري قال:
    نوفمبر 3rd, 2007 at 3 نوفمبر 2007 6:02 م

    .غريب الدار
    دائما التواصل بة الافادة ….اتمني الاستمرار والتواصل المتبادل
    وسلاماتي

39. وائل المصري قال:
    نوفمبر 3rd, 2007 at 3 نوفمبر 2007 6:05 م

    بنت النيل
    اولا تحياتي علي مشاركتكي
    ثانيا بالنسبة للهواية الهوايات كثيرة الاهم الشخص يجد نفسة في احداهما
    واعتقد عملكي لمدونتكي احد الهويات كيف انميها واحدث المدونة واجذب اليها اكبر عدد ممكن واوجد حوار متواصل مع رواد المدونة هذة احي الهوايات ..ولكن لا تصلح لوحدها ..ممكن ان نمارس بجنبها الرياضة اي رياضة حتي لو نمشي نصف ساعة يوميا …هتشعري بتغير كبير

    وسلاماتي ………….

40. وائل المصري قال:
    نوفمبر 3rd, 2007 at 3 نوفمبر 2007 6:07 م

    Alsolimany
    اخي هو يشغل بال عدد من الملاين من الجنسين ..
    لان اذا كانت البداية صحيحة سوف تستمر وتستقر الاسر المسلمة
    ……وتحياتي ….

41. ريما الشيخ قال:
    نوفمبر 4th, 2007 at 4 نوفمبر 2007 3:23 م

    وائل
    
    بالفعل موضوع مهم وأسلوب الطرح جدا رائع
    
    أحببت فكرة عدم محاولة تغيير الطرف الآخر
    
    عموما كل التجارب أثبتت فشل نظرية تغيير الآخر وانه حل غير منطقي
    
    جميل ما قراته هنا
    
    لك كل ود واحترام
    
    تحياتي

42. وائل المصري قال:
    نوفمبر 5th, 2007 at 5 نوفمبر 2007 4:12 م

    ريما الشيخ
    تحياتي لكي …….. وفعلا التجارب تقول بفشل معظم المحاولات لتغيير الطرف الاخر

    واتمني دوام التواصل
    وسلاماتي

43. المستغفر فاطمة قال:
    نوفمبر 24th, 2007 at 24 نوفمبر 2007 5:02 م

    باسم الله الرحمان الرحيم
    
    السلام عليكم ورحمة الله وبركاته
    
    أخيالعزيز وائل
    
    طرحت الموضوع باستراتيجية ومراحل وأبعاد وبحثت عن العلاجات كممارسة وكتطبيق
    
    لامن حيث الباب النفسي ولامن حيث المنهج الفلسفي للمفردة كغاية وكوسيلة

    مفردة حب متكونة من حرفين كصياغة وكاختصاروكجدولة وكتأطير وتخطيط تلتقي فيه أبعاد تحتاج لعناية وكفاية ومحافظة ومن تم ارتقاء ورقي
    
    لتفهمها عليك أن تحدد أهدافك كما تحدد أعمالك باستعداد ومحورة واستقراء المقترحات كقريحة وكوسائل تتقيد بها لكي لايجعلكفي شطط وخلل
    
    هنا يتقرر المسار نحو العلاج أو عدمه من خلال حلقة الإرادة ثم الفكرة ثم التطبيق
    
    وكل هذا ينطلق من مفهوم النية إنما الأعمال بالنيات وإن لكل امرئما نوى
    
    وهنا تدخل عدة عوامل والتي تتحدد فيها الرؤى منها الخبرة الاجتماعية والكونية والدينية وكلما تطورت هذه العوامل كلما زدت لينا مع شريكك الزوج طبعا أو الزوجة
    
    والمحبة فلسفة تلتقي فيها بواعث وذوقيات كصيرورة وكفطرة وكنمو حياة بتربية النفس والعقل والجسم لتتفرع وتتسع لتحتوي حلة تحتوي وتبم وتغني وتسعد وتباركلتحلو النعمة التي غرسها فينا رب الحب والمحبين
    
    فالحط من قيمة الحب لايعتد به كمفهوم عام وكنعمة لأنه يكسبك العطاء ويثير فيك تساميا وإبداعا إذا روعي بطهارة وشرف فسيسهم في رفع قيمة النوع البشري الذي له ميل طبيعي إلى تعشق الجمال والحب والجنس لبقائه
    
    لتفجير الإرادة النبيلة التي تتوجه لارتقاء الحياة وشيوع العدل والحق
    
    بهذا الإطار العام أريد أن أصل أو نصل إلى نقطة واحدة وهي الإلتقاء على فقه تربوي تكون مهمته بلورة النموذج في ضوء التوجيهات الإلاهية وفي ضوء التطور والتحديات القائمة
    
    أدام الله تواصلكم وجزاكم الله خيرا أخي وائل على مجهوداتك الجبارة
    
    أسأل الله لكم السداد والتوفيق وأعتذر عن عدم الرد عليكم البارحة لأنني كنت أرد على بعض الإخوة ولما أردت أن أكتب إليكم شعرت بوجع في بطني مما اضطرني إلى التوقف وهو عارضنجم عن تقلصات من جراء العادة الشهرية والحمد للله اليوم انا بخير

44. وائل المصري قال:
    نوفمبر 25th, 2007 at 25 نوفمبر 2007 11:51 ص

    وعليكم السلام ورحمة الله وبركاتة
    اخت فاطمة …
    اولا حمداً لله علي سلاماتكي ..وان شاء الله تكوني بخير وصحة طيبة ..
    وانا اتفق معكي فيما ذهبتي إلية من :
    اقتباس
    ……
    أن أصل أو نصل إلى نقطة واحدة وهي الإلتقاء على فقه تربوي تكون مهمته بلورة النموذج في ضوء التوجيهات الإلاهية وفي ضوء التطور والتحديات القائمة
    ……………………….

    هذا ما ان نتمناة ان يكون الحب غي إطارة الشرعي .

    لكي تحياتي ..ودائما يستمر التواصل بيننا
    وسلاماتي
    ………………….

45. mitos_af قال:
    نوفمبر 28th, 2007 at 28 نوفمبر 2007 7:11 م

    سلام عليكم

    موضوع جميل … اجمل ما فيه اسلوبه المبسط وموضوعيته

    د شريف قسم فيه ببساطه الأختلافات اللى بين الطرفين

    الى اختلافات يمكن التعايش معها . واختلافات لا يمكن التعايش معها

    واعتقد ان دى اهم نقط الواحد لازم يعرفها عن شريكه قبل ما يرتبط بيه

    لأن محدش بيغير حد … وكل انسان فيه عيوب .. ف الأنسان يختار واحد يقدر يتعايش مع عيوبه

    شكرا يا وائل

    ربنا معاك

46. وائل المصري قال:
    ديسمبر 2nd, 2007 at 2 ديسمبر 2007 5:02 م

    وعليكم السلام
    
    يا دكتورة …وفعلا كما قلتي
    
    …….
    
    اقتباس
    
    لأن محدش بيغير حد … وكل انسان فيه عيوب .. ف الأنسان يختار واحد يقدر يتعايش مع عيوبه
    
    …………
    
    وتحياتي

47. نسائم الليل قال:
    يونيو 16th, 2009 at 16 يونيو 2009 2:16 ص

    موضوع جمييل اخي المصري لكن المشكلة ليست في اختلاف الهوايات وانما في اختلاف الاطباع والامزجة و التنشئة فربا ننضارب الاراء او العادات رغم وجود الحب فكيف لنا التغيير وقتهاا فهى تشكل البنية التحية لشخصية كل منهم

48. وائل المصري قال:
    يونيو 16th, 2009 at 16 يونيو 2009 6:02 م

    نسائم الليل
    شكرا للمرور والمشاركة بمدونتي هذا امر اسعدني
    اختلاف الاطباع والامزجة و التنشئة امور كثيرا اذا لم يستطع الزوجين تفهم الاخر تؤدي الي انهيار الحياة الزوجية لانها لا تظهر الي بعد الزواج .. التفاهم بين الزوجين ضروري
    عشان هذا لازم يكون هناك تكافؤ بين الزوجين من ناحية الوضع الاجتماعي في العادة ..

    وتحياتي

49. محمد قال:
    نوفمبر 22nd, 2009 at 22 نوفمبر 2009 1:23 م

    حب

اكتب تعليــقك